Izena emateko epea zabalik Kontadoreseko udaberriko laborategietan
Gorputzaren, arte eszenikoen eta ilustrazioen eremuko 11 laborategi eskainiko dira martxoaren 1etik aurrera
Kontadoresek hainbat ikastaro programatu ditu 2022ko martxotik 2022ko ekainera bitartean. Guztira 124 plaza eskainiko dira, 11 laborategi kulturaletan banaturik. Gazteen interesak, beharrak eta zaletasunak oinarri harturik osatu da Kontadoreseko laborategi proposamena, euren poltsikora egokitutako prezioekin. Udaberri honetan, gorputzak garrantzia izaten jarraituko du, baita adierazpen eszenikoek ere, eta koloreak gehituko zaizkie sasoi honetako laborategiei, teknika ezberdinetako ilustrazio ikastaroen bitartez.
Elkarlanean osaturiko proposamenak ere egongo dira. Urtaroko sorta honi hasiera emateko, Gipuzkoako Foru Aldundiaren
Treba Gazteak programarekin batera doako bi laborategi egongo dira:
Design Thinking eta
Sexualitatetik harremanak irauliz.
Bestalde,
Dantzerti Arte Dramatiko eta Dantza goi mailako eskolarekin batera, bi ikastaro laborategi intentsibo egingo ditugu bi larunbat ezberdinetan:
Mugimendua eta dantza Izaskun Lapaza dantzari irakaslearekin eta
Storytelling, Istorioak kontatzearen artea Aitzol Villahoz aktorearekin.
Bestalde, Covid19 krisia dela eta, Kontadoresek berezko protokoloa du gaixotasunaren hedapenaren aurrean arriskuak ekiditeko. Beraz, ezarritako segurtasun eta higiene neurriak jarraitu beharko dira une oro.
Kontsultatu Kontadoreseko protokoloa.
Hemen daude proposamenei, egutegiari, ordutegiei eta prezioei buruzko zehaztasunak.
Parte hartzeko irizpideak
Oro har, gazteei espresuki zuzenduriko ikastaroak dira, 18-30 urte bitartekoei, hain zuzen ere eta lehentasuna izango dute Donostian erroldaturik dauden gazteak. Halaber, Laborategien eskaintza, aurretik aipatutako adin tarteari zuzendurik badago ere, 18 urtetik beherako eta 30 urtetik gorako pertsonek parte hartzeko aukera izango dute, euren partaidetzaren egokitasuna balioztatuz gero, eta plaza libreak egonez gero.
Izen ematea
Izena emateko honako webgunera jo behar duzue:
www.kontadores.eus
Info+:
Kontadores Gazte Zentroa: Pasai San Pedro, 13 . Bidebieta. Donostia.
T: 943 483 476
Web:
www.kontadores.eus
Email:
kontadores@donostia.eus
Ordutegia
Asteartetik ostiralera 17:30tik 20:30tara
Larunbatetan 17:00tik 21:00tara
2022/02/10-an argitaratua