Apirilak 12: trafiko mozketak eta aldaketak Maratoi Erdia dela eta

Igande honetan, hilaren 12an, Maratoi Erdia itzuliko da Donostiara bere 25. edizioa ospatzeko. Ibilbideak hiriko kale nagusienak zeharkatzen ditu, eta ondorioz, trafikoa etengo da Erdialdean, Grosen eta Antiguan, batez ere 9:40tik 13:00ak arte gutxi gorabehera. Dbus zerbitzuetan ere eragina izango du lasterketak eta aldaketak izango dira ibilbide eta geltokietan.

Bi distantziako lasterketa (21k eta 10k) 10:00etan abiatuko da Boulevardetik.

Dbus

Lasterketa dela eta, Erdialdeko, Groseko eta Antiguoko hainbat kale itxita egongo dira 9:30etik 13:30era bitartean gutxi gorabehera, beraz lasterketa zeharkatzen duen garraio publikoaren hainbat ibilbideen eta geltokien aldaketak egingo dira

10:00etatik 12:00etara Dbuseko autobusetako bidaiak dohainik izango dira erabiltzaileentzat, lasterketagatik eraginak izango dituzten lineetan.

Geltoki eta ibilbideen aldaketa Dbusen

Eraginak

Irteera eta helmuga Boulevardean izango dira eta, beraz, 6:30etik 14:00etara, zumardi hau itxita egongo da Legazpi kaletik Hernani kaleraino, helmuga muntatzeko eta kentzeko lanengatik

Kontxa pasealekua 9:45etik 12:30era itxiko da.

Lasterketako ia errepide guztiak konoz beteak egongo dira eta beraz, ibilgailuak eta korrikalariak aldi berean egon ahal izango dira

Ibilbidea

Boulevard; Hernani (autobus-erreia); Andia; Miramar; Askatasunaren hiribidea (Urbieta eta Easoko tartea); Easo; Zubieta (autobus-erreia); Kontxa pasealekua; Antiguako tunela; Zumalakarregi (ezkerreko erreia); Tolosa (ezkerreko erreia); biraketa Ibaeta plazan ; Tolosa (ezkerreko erreia); Zumalakarregi (ezkerreko erreia); Antiguako tunela; Kontxa pasealekua; San Martin; Foruen pasealekua (etxeen aldea); Espainia plaza; Argentinar Errepublika (eskuineko erreia); Zurriola zubia; Zurriola hiribidea (ezkerreko erreia); Nafarroa hiribidea; biraketa José Aranaren altueran dagoen biribilguneari; Nafarroa hiribidea; Zurriola hiribidea (autobus-erreia); Zurriolako zubia (autobus-erreia); Erregina Erregeordearen kalea (autobus-erreia); Boulevard.

Auzoetarako sarrerak eta irteerak

Hirira sartzeko trafikoa itxi ondoren, hiriko auzoetako trafikoaren sarrera eta irteera honako hau izango da:

• Ondarreta edo Igeldotik irten nahi duenak Zumalakarregi etorbidetik eta Tolosa hiribidetik egin beharko du

• Ibaetatik irten nahi duenak Ibaetako plazarantz jo beharko du, eta bertatik nahi duen norabidera joateko aukera izango du, Tolosa hiribidetik, Añorgarako norabidean, Lugaritzetik Amararantz, edo Zarautz kaletik, Antiguarantz

• Berio edo Arriola pasealekura sartu nahi duenak Amerika plaza – Tolosa hiribidea – Ibaeta plaza – Bernardo Estornes – Lautximinieta plaza – Berio pasealekua hartu beharko du.

• Hirira Tolosa hiribidetik sartzen denak Zarauztik edo Izostegiko bidetik zirkulatu beharko du.

• Antiguako biztanleek: Zumalakarregi hiribideko edo Tolosa hiribideko eskuineko erreia erabili ahal izango dute.

• Kontxako pasealekurako sarbidea itxiko da bi noranzkoetan, eta, beraz, erdialderako noranzkoan, GUZTIZ, desbideratuko da Zumalakarregi – Satrustegiko biribilgunetik Mikeletesera – Pio Barojara

• Igeldo – Ondarreta aldera joan nahi duten autobus eta egoiliar akreditatuek Matiako luzapenetik sartu eta Antiguako tunelaren aurreko biran desbideratu ahal izango dira.

• Sagueseko egoiliarrak sartu eta atera ahal izango dira Nafarroa – Rodil – Alexandria – Zemoria – Nafarroa - J.M. Barandiaran kaleetatik.

• Portura edo Kanpandegi kalearen ondoko bideetara sartzeko, Kolon - Santa Katalina - Argentinako Errepublika – Salamanca - Soraluze pasealekua – Abuztuaren 31 – Mayor - Ijentea

• Erdialdera sartzeko, San Martzial eta Boulevard arteko eremuan bizi direnak Gernikako arbola – Fueros - Etxaidetik sartuko dira.

• Erdialdera sartzeko, Urbieta, Zubieta eta San Bartolome inguruko egoiliarrak Mirakontxatik sartuko dira.

• Saguesetik, Pasealeku Berritik, Portutik edo zirkuituaren barruko beste puntu batzuetatik irten nahi duenak egin ahal izango du, antolakuntzaren edo trafiko-agenteen jarraibideei jarraituz.