Tokiko Gobernu Batzordeak onartutako gaiak

Turismo Bulegoa, Ekialdeko Barrutia, Gaueko Aterpea, Amarako Haurtxoko eta Gaztelekua, Parkeak eta barandak, Ukraniatik datozen pertsonei laguntza

Turismo Bulegoa

Tokiko Gobernu Batzordeak onartu du AGM ARQUITECTOS enpresak udaletxeko beheko solairuan Turismoaren Arretarako Bulegoa egokitzeko idatzitako proiektua. Proiektuak barneratzen dituen aldaketen aurrekontua 1.941.879 eurokoa da. Aldaketa hauek ez dakarte aldaketarik udal Hirigintza, Prebentzio, Suteen Itzaltze eta Salbamendu, eta Ingurumen sailek beren eskumenen arloan informatutako irtenbide tekniko eta eraikitzaileekin alderatuta.

Altzako barrutiko lokala

Tokiko Gobernu Batzordeak onartu du Altzako barrutiko lokala egokitzeko egikaritze eta jarduera Proiektua. Udal zerbitzu teknikoek aldatu duten aurrekontuari dagokion proiektu hau GURBAIN SL-k idatzi du eta 415.551 euroko aurrekontua du.

Gaueko Aterpea

Tokiko Gobernu Batzordeak onartu du Gaueko Aterpea gaueko harrera zerbitzua xede duen kontratazio espedientea. Lizitazioaren urteko oinarrizko aurrekontua 601.030 eurokoa da, eta kontratuaren gauzatze-epea 2 urtekoa kontratua sinatzen denetik, 3 urtez luzagarria.

Amarako Haurtxokoa eta Gaztelekua

Tokiko Gobernu Batzordeak onartu du Amarako Haurtxoko eta Gaztelekurako altzariak hornitzeko xede duen kontratazio espedientea. Lizitazioaren aurrekontua 42.341 eurokoa da, eta entrega epea 5 astekoa izango da.

Haur parkeak

Tokiko Gobernu Batzordeak onartu du hiriko hainbat eremutako haur-parkeetako segurtasun-zoladurak berritzeko proiektuan jasotako obrak kontratatzeko espedientea. Kontratua hiru lotetan banatzen da. Lehenengoak Miramongo haur-parkeari eragiten dio; bigarrenak Atotxaerreka eta Pio Baroja haur-parkeak hartzen ditu, eta hirugarrenak Maritxu Guler, Altza 12-14, Camino del Francés eta José Elosegui parkeak.

Lizitazio-aurrekontua 97.888 €-koa da, eta gauzatzeko epea 4 astekoa, zuinketa egiaztatzeko akta sinatzen denetik aurrera. Lote bat baino gehiago esleituz gero lizitatzaile berari, 2 aste gehituko zaizkio hasierako epeari esleitutako lote bakoitzeko. Lizitazioa eskaintza integratzaile bati esleitzen bazaio, epea 8 astekoa izango da.

Barandak

Tokiko Gobernu Batzordeak onartu du TALLERES MARTUTENE S.L.ri hiriko berandak, oinezkoen babesgarriak, itxiturak eta hirian diren bestelako errementaritza-lanak konpondu, berritu eta mantentzeko zerbitzua xede duen kontratua. Urteko gehienezko aurrekontua 175.000 €-koa da, eta gauzatzeko epea 2 urtekoa.

Ukraniatik datozen pertsonak

Tokiko Gobernu Batzordeak onartu du CALDENAUT, S.L. enpresari esleitzea Ondarretako aterpetxean larrialdiko harrera jasoko duten Ukraniatik datozen pertsonentzako elikadura-zerbitzua. Kontratu hau gauzatzeko aurreikusitako aurrekontua 108,802 eurokoa da, eta zerbitzuaren iraupen epea kontratua prozedura irekiaren bidez formalizatzen den arte edo, gehienez ere, 2022ko abuztuaren 31ra arte luzatuko da.