Musika, dantza eta efemerideak San Sebastian Egun aurreko pregoi-kontzertuan

Antzoki Zaharrean izango da igande honetan, urtarrilak 18

Datorren igandean, urtarrilak 18, 12:00etan abiatuta, Donostiako Udalaren Txistulari taldeak -eta Donostia zein inguruko txistulariek- San Sebastian aurreko kontzertua eskainiko du Antzoki Zaharrean. Kontzertuak, Donostia ardatz hartuta, hainbat pertsonaia eta ospakizun esanguratsu izango ditu gogoan.

Ekitaldiko sarrerak doakoak izango dira eta urtarrilaren 15ean jarriko dira eskuragarri Antzoki zaharreko zein Victoria Eugenia antzokiko leihatilatan 11:30ean (gehienez bi sarrera pertsonako).

Antonio Peña y Goñik idatzitako Donostia pasodobleak irekiko du San Sebastian aurreko txistularien zita. Horiekin, Erik Carrero, Maria Jaunarena eta Haizea Muñoz abeslariak, A Tempo Abesbatza, Arkaitz Añorgako Dantzariak, Kresala Elkarteko haur danborrada eta Donostiarra Metal Boskotea jardungo dira kontzertuan.

Emanaldiak hiriko urteurren eta gertaera hainbat gogora ekarriko ditu horiei lotzen zaien errepertorioaz; gogoan izango dira Bilintx, Antonio Peña y Goñi, Ricardo Sabadie, Raimundo Sarriegi edo José Antonio Santesteban. Halaber, 2026an 100 urte beteko dituen Arkaitz Añorgako Dantzariak taldeak Gipuzkoako dantzen saioa eskainiko du. Urteurrenak oroituta, San Sebastian egunaren iragarpen kontzertua danborrada doinuz amaituko dute parte-hartzaile guztiek batera. Kresala, Kiriko eta Donostiako Martxa izango dira emanaldiko azken doinuak.

Honekin guztiarekin, igandean, 12:00etatik aurrera Antzoki Zaharrean txistulariek San Sebastian aurreko kontzertua eskainiko dute. Halaber, kontzertura bertaratu ezin duenak kontzertua Donostiako Udalaren Txistulari Taldearen YouTubeko kanalean ikusteko aukera izango du zuzenean.

Datuak

• Non: Antzoki Zaharra
• Data: 2026ko urtarrilak 18
• Ordua: 12:00 h.
• Sarrera: doan, gonbidapenarekin
• Streamming-a: https://youtube.com/live/rPIXbBSDFU4?feature=share