Elkarteentzako Ikastaroak

'Komunikazio Tresnak', 'Talde coaching-a eta gatazken kudeaketa', 'Elkarteen lege eta zerga betebeharrak' eta 'Proiektuak nola landu'.

Donostiako Udaleko Herri Partaidetza zerbitzuak entitateen kudeaketan zein proiektu edo ekimenen garapenean elkarteentzako lagungarri izan nahi duten 4 ikastaro antolatu ditu. Ikastaro hauek pH Gunea-ren baitan kokatzen dira, Donostiako partaidetzaren kualitatea hobetzeko bideak proposatzen dituen proiektua.

• Ikastaro bakoitzak egun bateko edo bi eguneko iraupena du: saio bakoitza bi ordutakoa izango da, azaroa eta abendua bitartean.
• Saio guztiak Udaletxeko eraikinean izango dira (Ijentea kalea, 1), 18:00etatik 20:00tara.
• Ikastaro guztiak independienteak dira, eta norberak gehien interesatzen zaion ikastaro edo ikastaroetan izena emateko auikera edukiko du. Izen-ematea doakoa da, eta ondorengo inprimakiaren bitartez egin beharko da, azaroak 11 baino lehen: Ikastaroek edukiera mugatua izan dezakete eta izen-ematea egin den ordena errespetatuko da. Elkarte beretik pertsona batek baino gehiagok parte hartu ahal izango du, baina edukiera betez gero, elkarte ezberdinetako jendearen parte hartzea lehenetsiko da.
• Izen-ematea doakoa da eta inprimaki hau betez egin beharko da .

PROIEKTUAK NOLA LANDU

Gazteleraz: abenduak 13 asteartea
Euskaraz: abenduak 14 asteazkena
2 ordutako saio bakarra, 18:00etatik 20:00tara.
Modu praktikoan, proiektu bat gauzatzeko beharrezkoak diren pausuak berrikusiko dira, proiektu orok erantzun behar dituen galderak aztertuta.
Emun-en eskutik

KOMUNIKAZIO TRESNAK

Azaroak 15 eta 22 (astearteak)
2 ordutako 2 saio, 18:00etatik 20:00tara.
Euskaraz
Elkarteon proiektuak edo ekimenak hobeto komunikatzen lagunduko diguten tresna eraginkorrei buruz arituko gara: mailing, whatsapp, sare sozialak...
TaPuntu-ren eskutik

TALDE COACHING-A ETA GATAZKEN KUDEAKETA

Azaroak 16 eta 23 (asteazkenak)
Gazteleraz
2 ordutako 2 saio, 18:00etatik 20:00tara.
Taldeen lana eta potentziala hobetzeko eskura ditzakegun mekanismoak eta gatazkak kudeatzeko lagundu dezaketen tresnak landuko dira.
TaPuntu-ren eskutik

ELKARTEEN LEGE ETA ZERGA BETEBEHARRAK

Gazteleraz: azaroak 29 asteartea
Euskaraz: azaroak 30 asteazkena
2 ordutako saio bakarra, 18:00etatik 20:00tara.
Elkarteen betebeharren inguruko informazio praktikoa eskainiko da, bai elkarte barnera begira zein administrazio ezberdinekiko.
Emun-en eskutik

- Ikastaroek edukiera mugatua izan dezakete. Izen-ematea egin den ordena errespetatuko da. Elkarte beretik pertsona batek baino gehiagok parte hartu ahal izango du, baina edukiera betez gero, elkarte ezberdinetako jendearen parte hartzea lehenetsiko da.

- Ikastaroren baten izen-emate nahikorik jasoko ez balitz, bertan behera gelditu liteke.

• Izen-ematea doakoa da eta inprimaki hau betez egin beharko da azaroaren 11 baino lehen.