Ciklus Ensemble Donostiako Udalaren Musika eta Dantza Eskolan

Cicklus Ensemble taldearen kontzertua Abenduaren 3an 12:30etan Areto Nagusian izango da

Datorren abendauren 3an Donostiako Udalaren Musika eta Dantza Eskolako egoitza nagusia Clickus Ensemble musika taldearen eszenatoki bihurtuko da. Moby Dick estreinatu berri den obraren kontzertua 12:30etan hasiko da eta sarrera doakoa izango da.

Moby Dick obra 1851n argitaratutako Herman Melville idazle estatubatuarraren izen bereko eleberrian oinarritu da. Ahab kapitainak gidatutako Pequod baleontziaren abenturak kontatzen ditu, katxalote zuri handiaren jazarpen obsesibo eta autosuntsitzailean. Lehen emanaldia urriaren 24an egin zen Madrilgo Reina Sofía museoan eta ikusle ugari gerturatzeaz gain, kritika onak jaso ditu hainbat hedabide eta artisten artean. Ciklus Ensemblek beste kontzertu formatu bat jorratzen du Moby Dicken, soinu esperientzia bat bizitzera gonbidatzen gaituena. Horretarako, antzerkiarekin, elektronikarekin eta teknologia berriekin egindako hibridazio batean, «airearen antzerkia» erabiltzen du, garai bateko irrati dramen izaerara itzultzen dena, ikuspegi garaikide eta nagusiki musikal batetik.

Iñaki Estradak aurkezten duen lana, Moby Dick eleberriari buruzko begirada berritzailea da eta dramaturgia soinudunak garatzeko modu berri batean, aurrez grabatutako gainerako aktoreekin irrati dramaren estilo zaharrarekin erlazionatuko den aktore bat aurkeztuko du eszenan. Hori guztia denbora errealean prozesatutako talde instrumental batekin, sonoritateetan adituak diren boskote batekin alegia, denbora geroratuko elektronikarekin eta Herman Melvillek idatzitako eleberri zoragarrira eramango gaituen foley zinematografiko batekin (inguruneko soinu banda) batera. Estradak lan talde ederra batzea lortu du: Asier Pugaren zuzendaritzapean dauden musikariez gain Compañía Radioteatral La Ballena Blancako aktoreak, José Miguel Baena narratzailea eta Madrilgo Goi Mailako Kontserbatorioko Sonologia Saila hain zuzen ere.

Iñaki Estrada Torío donostiarra da, konposizio prestakuntza sakonekoa, batez ere frantsesa, eta teknika bikainekoa. Batez ere elektronika munduan murgildutako konpositorea da. Azken urteetan, istorioak kontatzeko erabilitako formula, hau da, irrati dramarena, kantua alde batera uztea eta hitz mintzatuan zentratzea ahalbidetu dio. Era berean, konpositore gisa dituen kezkak jorratzeko bidea ere aurkitu du. Horrela sortu ditu dagoeneko hainbat ikuskizun, literatura klasikoko historietan oinarritutakoak, bereziki, eta arte plastiko, zinematografiko edo antzerkikoekin lankidetzan sortutakoak.

Informazio gehiago: www.donostiaeskola.eus

Erlazionatutako dokumentuak

• KARTELAK EMANALDIAK.pdf