Elkarteentzako ikastaroak maiatzean

Genero ikuspegia eta berdintasun neurriak, Canva, prozesu parte-hartzaileak...

Irabazi asmorik gabeko elkarteetako kideek Herritarren Partaidetza Zerbitzuak antolatutako urteko lehen ikastaroetan izena emateko epea ireki da.

Doako ikastaro hauen helburua Donostiako elkarte-sarea indartzea da, eta saioak elkarteentzat baliagarriak izan daitezela, bai erakundeen kudeaketarekin lotutako alderdietan, bai haien proiektu eta ekimenen garapenean. Ikastaro horiek pH Gunea-ren baitan kokatzen dira, Donostiako partaidetzaren kualitatea hobetzeko bideak proposatzen dituen proiektua.

Hauek dira antolatutako ikastaroak

PROIEKTUETAN GENERO IKUSPEGIA ETA BERDINTASUN NEURRIAK Errotiken eskutik EUSKARAZ Datak: maiatzak 5 eta 12 GAZTELERAZ Datak: ekainak 3 eta 10 Iraupena: 5 ordu, 18:00-20:30

Proiektuetan genero ikuspegia txertatzea eta/edo berdintasuna sustatzeko neurriak jasotzea elkarteen proiektuen hobekuntza dakar eta horrela ekarteen ekintzen bidez gizartean berdintasuna handitzea. Oinarrizko mailako formakuntza honek helburua du batetik gizarteko ezberdintasuna aztertzea eta bestetik proiektuetan genero ikuspegia txertatu eta berdintasuna sustatzeko neurriak diseinatzen ikastea. Izena eman baino lehen aurreko urtean ikastaro honetan eman zen materiala aztertu dezakezu.

PROZESU PARTE-HARTZAILEAK: DISEINUA, METODOLOGIA, TRESNAK... Farapiren eskutik EUSKARAZ Datak: maiatzak 7-14 Iraupena: 5 ordu, 18:00-20:30

Ikastaro honetan landuko dira prozesu parte-hartzaileak aurrera eramateko kontuan hartu beharreko diseinua, metodologia eta tresna ezberdinak, eta elkarteek parte-hartzeari dagokionez dituzten erronkak identifikatu eta horiei erantzuteko gakoak aurkitzen saiatuko gara.

CANVA: KARTEL ETA IRUDIEN DISEINUA Ta Punturen eskutik GAZTELERAZ Datak: maiatzak 8 eta 15 Iraupena: 4 ordu, 18:00-20:00

Elkarteen proiektuen berri emateko eta horiek komunikatzeko irudiak sortzeko tresna ugari daude. Ikastaro honetan hasierako eta oinarrrizko mailan ezagutuko dugu Canva , diseinu grafikorako sareko doako tresna erabil erraza. Izena eman baino lehen aurreko urtean ikastaro honetan eman zen materiala aztertu dezakezu.

HIZKUNTZA ETA IRUDI EZ SEXISTAK Errotiken eskutik EUSKARAZ Datak: maiatzak 21 Iraupena: 2 ordu t'erdi, 18:00-20:30

Oinarrizko mailako ikastaro honetan elkarteen jardueren komunikazio ez sexista egiteko kontuan izan beharreko aspektuak landuko dira. Hizkuntza inklusiboa eta estereotipatu gabeko irudiak erabiltzeko kontuan izan beharreko irizpideetaz arituko gara, eta hainbat adibide eta eredu aztertu. Izena eman baino lehen aurreko urtean ikastaro honetan eman zen materiala aztertu dezakezu.

IZEN EMATEA

Ikastaroen ezaugarri orokorrak

• Saio guztiak Udaletxeko eraikinean izango dira (Ijentea kalea, 1)
• Ikastaroek edukiera mugatua izan dezakete. Izen-ematea egin den ordena errespetatuko da.
• Elkarte beretik pertsona batek baino gehiagok parte hartu ahal izango du, baina edukiera betez gero, elkarte ezberdinetako pertsonen parte hartzea lehenetsiko da.
• Genero ikastaroetan lehentasuna izango dute dirulaguntzak eskatzerakoan formazio hau egiteko konpomisoa hartu zuten elkarteek.
• Ikastaroren batean izen-emate nahikorik jasoko ez balitz, bertan behera gelditu liteke.