Tokiko Gobernu Batzordeak onartu dituen gaiak

Next Funtsak, Ukrania, Asfaltatzea, Pasealeku Berriko horma, Andoain kaleko horma, Sarriegi plaza, Donostiako Klasikoa, Hondartzak

Next Funtsak

Tokiko Gobernu Batzordeak onartu du Next Generation funtsen eta Garraio, Mugikortasun eta Hiri Agenda Ministerioaren dirulaguntza, emisio txikiko eremuak ezartzeko eta hiri garraioaren eraldaketa digital eta jasangarria egiteko (Mugikortasuna) proiektua gauzatzeko. Dirulaguntza 12.053.374 eurokoa da.

Helburua hiriko airearen kalitatea hobetzea, CO2 emisioak murriztea eta udalerrian mugikortasun aktiboa sustatzea da, Klima DSS 2050 Planari laguntzeko.

Next Funts horiek iristearekin batera, aurreikusitako jarduketa batzuk abian jartzen hasi dira. Hala, Tokiko Gobernu Batzordeak onartu du Udalari hiri hondakin solidoak biltzeko bi kamioi elektriko (HHS) eskuratzeko kontratuaren espedientea. Bi kamioien lizitazio aurrekontua 1.240.000 €-koa da, eta entregatzeko epea 2023ko azaroaren 15ean amaituko da.

Halaber, Tekia Ingenieros SA enpresari laguntza teknikoko kontratua esleitzea onartu da, hirian emisio eta zarata baxuen lehen eremua kontrolatu eta kudeatzeko hainbat neurri teknologiko ezartzeko, funts berberekin finantzatuko dena. Kontratu honen esleipen prezioa 55.055 eurokoa da, eta iraupena gehienez hiru hilabetekoa.

Ukrania

Tokiko Gobernu Batzordeak onartu du larrialdi egoera adieraztea behar diren kontratuak izapidetzeko, Donostiara iristen diren Ukrainatik datozen pertsona guztiei premiazko harrera bermatzeko.

Adierazpen honek denboraldi mugatu batez izango du eragina, larrialdi egoera horretatik sortutako beharrak bideratu arte, kontratazioko prozedura ireki arrunten bidez, eta, betiere, 2022ko abuztuaren 31 arte, gehienez.

Asfaltatzea

Tokiko Gobernu Batzordeak onartu du Asfaltia SLri esleitzea 2021eko galtzadako asfaltoak konpontzeko lanak egiteko proiektua gauzatzeko kontratuaren 1. lotea (617.311 euro – 20 asteko epea), eta Excavaciones y Transportes Orsa SLri kontratu bereko 2. lotea (703.779 euro – 15 asteko epea). Guztira, 1.321.090 euroko aurrekontua du proiektuak.

Pasealeku Berriko horma

Tokiko Gobernu Batzordeak onartu du Pasealeku Berrian ainguratutako hormaren hego-mendebaldean lurjausien aurkako babes neurriak gauzatzeko obren proiektua. Honek 542.630 euroko aurrekontua eta 20 asteko egikaritze epea ditu.

Andoain kaleko horma

Tokiko Gobernu Batzordeak onartu du Andoain kaleko horma ainguratua konpontzeko obren proiektua. Honek 316.693 euroko aurrekontua eta 3 hilabeteko egikaritze epea ditu.

Sarriegi plaza

Tokiko Gobernu Batzordeak onartu du Sarriegi plaza zolatzeko proiektua 339.241 euroko aurrekontuarekin. Bi jardueratan banatuta dago:

• Plaza berrantolatzea (131.609 euro)
• Plazako azpiegiturak berritzea (207.632 euro)

Egin beharreko obra, funtsean, honako hau da: “Danborrariaren Monumentua” dagoen erdiko parterrea kentzea, beste espazio batera eramateko, bai eta plazaren erdiko farolaren azpiko idulkia ere, eremu osoa birzolatu behar baita, beharrezko birkokapenak eginda.

Donostiako Klasikoa

Tokiko Gobernu Batzordeak Udalaren eta OCETA - Euskadi Txirrindularitza Erakundeen Elkartearen arteko lankidetza hitzarmena onartu du. Hitzarmenaren helburua da aipatutako erakundeen arteko lankidetza esparrua ezartzea, 2022ko denboraldirako gizonezkoen Donostiako Klasikoa eta Itzulia Women Klasikoa garatzeko, hitzarmena beste urtebetez luzatzeko aukerarekin (2023ko denboraldia). 2022an, Udalak 162.000 euro emango ditu probak egiteko.

Hondartzak

Tokiko Gobernu Batzordeak onartu du Ondarreta, Kontxa eta Zurriola hondartzetan zaintzarako lau dorre eta kaseta-botikin bat hornitzeko eta instalatzeko kontratuaren 1. lotea Protección y tecnología de la madera SL enpresari eta 2. lotea Eco W.C. S.L enpresari esleitzea.

Loteen xedea hurrengoa da:

1. lotea: Ondarreta hondartzan bat Kontxako hondartzan bat eta Zurriola hondartzan bi zaintza-dorre hornitu eta instalatzea (71.995 euro eta 8 asteko egikaritze epea).

2. lotea: Zurriola hondartzan kaseta-botikin bat hornitu eta instalatzea (17.200 euro eta 4 asteko egikaritze epea).