Aurrerapen mailaren iturria:  bete diren mugarrien %

2016an sinatu zen miniestadioa birmoldatzeko proiektua idazteko kontratua. Proiektuan hainbat gorabehera eta aldaketa izan ondoren, azkenean, 2021eko otsailean, Sestra enpresa erredaktoreak gauzatze proiektua entregatu zuen. Proiektu horren arabera, egin beharreko obrak ia 7,5 milioi eurokoak ziren.

Proiektu horri ekiteko finantzaketarik ez dagoenez, proposamen xumeago bat landu da, Izaskun Larzabalek idatzitako aurreproiektu batean gauzatu dena, 4,5 milioi euroko zenbatekoarekin.

Gaur egun, birmoldaketa proiektu berria idazten ari dira. Aurreikuspenen arabera, proiektua 2023an onartu ahal izango da, eta obrak  lizitatu ahal izango dira, obrak 2024an hasi ahal izateko  (kontuan izan behar da lanak atletismoko udako denboralditik kanpo egin behar direla).