Nahiz eta gehienok ez jakin, interneten nabigatzeak ingurumenerako kostua dauka. Izan ere, interneteko zerbitzariek eta datu-zentroek energia asko kontsumitzen dute, beti funtzionatzen ari direlako.

• 1Mb-ko mezu elektroniko batek bere bizi-zikloan 20g CO₂ igortzen ditu, hau da, 25 minutuz piztutako 60W-ko lanpara batek adina.

• Google-en bilaketa batek 0,2 eta 7 gramo CO₂ artean igortzen ditu. Kontuan hartu behar da Google-ek 3,5 bilioi bilaketa dituela egunero.

• Informazio- eta telekomunikazio-industriak, hodeian dauden internet, bideo, ahots eta abarreko zerbitzuak eskaintzen dituena, 830 milioi tona CO₂ baino gehiago ekoizten ditu urtean, alegia, planetako CO₂ isuri global guztien % 2 inguru.

Murriztu zure aztarna digitala!

Hona hemen ideia batzuk:

• Konprimatu e-mailez bidaltzen dituzun dokumentuen tamaina, eta erabili orriak bidaltzeko estekak, ahal duzun guztietan.

• Mezu zaharrak ezabatu.

• Ez sinatu irudi astunekin emailetan.

• Ez birbidali umorezko irudi edo bideorik ezker-eskuin.

• Ezeztatu jada irakurtzen ez dituzun informazio-buletinen harpidetza.

• Bilatzaileak gehiegi ez erabiltzeko, "Bookmarks" edo "gogokoenak" aukera erabil dezakezu aldizka ikusten dituzun webguneak hautatzeko.

• Saihestu streaming bidezko bideoen gehiegizko kontsumoa (zerbitzariaren linean).

• Plataforma digitalen hornitzaile batzuek energia-iturri berriztagarriekin garatzen dituzte Interneteko aplikazioak. Aztertu aukera eta gorde zure datuak "hodei berdearen" hornitzaile batean (Green cloud).

• Itzali beti ordenagailua erabili behar ez baduzu, eta deskonektatu kargagailuak.

Iturria: EWWR (https://ewwr.eu/)