Perkusioa

Perkusiozko musika tresnek familia zabal eta askotarikoa osatzen dute: orkestra sinfonikoetako tresnetatik hasi (tinbalak, xilofonoa, marinba, dunbala, atabala, bateria...) eta jatorri herrikoi eta etnikoko tresnetara arte (djembe afrikarra, konga eta bongo kubatarrak edo surdo, repenique… brasildarrak).

Tresna horiek guztiek badute ezaugarri komun bat: "jo” egin behar dira soinua ateratzeko. Nola baketaz edo makila, hala eskuez.

Eskolak espezialitate horretarako beharrezkoak diren tresna guztiak dauzka.

10 urtetik aurrera, perkusioko edozein ikaslek taldeetan parte har dezake.

PERKUSIOA PLUS

Ikasleek Eskolan instrumentuarekin denbora gehiago ematea ahalbidetzeko, Eskolak Perkusioa Plus eskaintza egiten du 8 eta 10 urte bitarteko ikasle hasi berrientzat Atotxako egoitzan.

Perkusioa PLUS-en ikasleek ordu beteko bi saio jasotzen dituzte taldeka astean.

Saio horietan instrumentuko, taldeko eta Musika Hizkuntzako edukiak lantzen dituzte, eta banakako saioak ere egiten dituzte tutorearekin.

Perkusioa PLUS egiten duten ikasleek ez dute Musika Hizkuntza egin behar.