Donostia.eus - [Agenda] Giza Eskubideen Zinemaldia

Logo Ayuntamiento

Agenda

Giza Eskubideen Zinemaldia

Donostiako Giza Eskubideen XIII. Zinemaldia sendotu egin dira zinearen, solasaldien eta beste adierazpide artistiko eta kultural batzuen bidez (dantza, argazkilaritza eta eskultura, adibidez) Giza Eskubideen inguruan sentsibilizazioa piztu eta bultzatzeko erreferente gisa.

Ospakizuna

Donostiako Giza Eskubideen Zinemaldiaren kartela 2015
Deskribapena

26 film luzek, 16 film laburrek, antzezlan batek, lau erakusketak eta hainbat jarduera paralelok osatzen dute aurtengo programazioa

Zhang Yimou zuzendariaren Coming Home (2014) film txinatarrak inauguratuko du apirilaren 17an, ostirala, Victoria Eugenia antzokian, Donostiako Udaleko Giza Eskubideen Sailak eta Donostia Kulturak antolatutako Donostiako Giza Eskubideen XIII. Zinemaldia. Tomas Liltiren Hippocrate (2014) film frantsesak itxiko du zinemaldia.

HELBURUAK

Giza Eskubideen Zinemaldiak XIII. edizioa beteko du aurten. Guztira 23 herrialdetako 42 film (26 luze eta 16 labur) proiektatuko dira. Horrez gain, Ez dira aspaldiko kontuak herri antzezlana antzeztuko da eta lau erakusketa antolatu dira (horietako hiru abian dira dagoeneko). Beti bezala, hainbat jarduera paralelok osatzen dute programazioa: filmetako zuzendariekin, protagonistekin eta landuko diren gizartearloko gaietan adituak diren pertsonekin solasaldiak, ikastetxeentzako goizeko zinema saioak, itxieraren ondorengo egunean Aieten egiten den Musika Parkean & Picnic saioa

Azpimarratzekoa da zinemaldiak gero eta agertoki gehiago dituela eta auzoetara ere zabaldu dela kultur etxeetan antolatutako doaneko proiekzioekin. Helburua argia da: gizateriaren erronka eta gabezia handiei buruzko ikuspegi kritiko, solidario, aldarrikatzaile eta plurala eskaini eta eragitea, bereziki mundua krisian murgilduta dagoen uneotan.

Hiritarren artean gogoeta, sentiberatasuna eta eztabaida sustatzea du xede Zinemaldiak, giza eskubideen urraketak salatzea ardatz izanik. Horretarako, zinema eta kulturaren beste hainbat adierazpide erabiltzen ditu.

SARRERAK ETA ABONUAK

Bada 22 euroko abonu bat Victoria Eugeniako saio guztiak ikusteko. Abonuak apirilaren 11tik aurrera, larunbata, izango dira salgai, Victoria Eugeniako leihatiletan soilik.

Saio bakoitzerako sarrerak egunean bertan jarriko dira salgai, 4,20 euroren truke. Victoria Eugeniako leihatiletan ez ezik Internet bidez ere erosi ahal izango dira saioetarako sarrerak.

FILM LUZEAK

Hemezortzi film luzek hartuko dute parte aurten Giza Eskubideen Zinemaldiaren Sail Ofizialean, horietako hiruk lehiaketatik kanpo. Mundu osoko tituluak dira, zinemaldi garrantzitsuenetan saritutakoak eta askotariko gaiak jorratzen dituztenak. Urtero bezala, solasaldiak egingo ditugu ikusleekin saio gehienetan, eta, horietara, aurkeztutako filmen lantaldeetako kideak, zein instituzio eta gobernuz kanpoko erakundeetako ordezkariak bertaratuko dira besteak beste.

  • Memoria kolektiboa eta errepresioa
    • COMING HOME / GUI LAI (2014). Zhang Yimou. Txina (INAUGURAZIO EKITALDIA)
  • Etika profesionala eta mugak
    • HIPPOCRATE (2014). Thomas Lilti. Frantzia (AMAIERA EKITALDIA) (LEHIAKETATIK KANPO)
  • Etxerik gabeko immigrazioa
    • L'ABRI (2014). Fernand Melgar. Suitza
  • Rolak apurtuz eta lankidetza modu berriak
    • BRING THE SUN HOME (2013). Chiara Andrich, Giovanni Pellegrini. Italia
  • Karikaturagileak jo puntuan
    • CARICATURISTES, FANTASSINS DE LA DÉMOCRATIE (2014). Stéphanie Valloatto. Frantzia (SOLASALDIA)
  • Genozidio armeniarra. Mendeurrena. 1915-2015
    • THE CUT (2014). Fatih Akin. Alemania-Frantzia-Polonia-Turkia-Kanada-Errusia-Italia (SOLASALDIA)
  • Golfa eta hirigintzako iruzurrak
    • A DANGEROUS GAME  (2014). Anthony Baxter. Erresuma Batua
  • Giza eskubideak urratzen dituzten tradizioak
    • DIFRET (2014). Zeresenay Berhane Mehari. Etiopia-AEB
  • Ahalduntzea eta sexuaren merkataritza
    • DREAMCATCHER (2015). Kim Longinotto. Erresuma Batua
  • Gasaren borroka
    • DRILL BABY DRILL (2013). Lech Kowalski. Frantzia (SOLASALDIA)
  • Droneak: aparatu onuragarriak eta/edo kaltegarriak?
    • DRONE (2014). Tonje Hessen Schei. Norvegia-Danimarka (SOLASALDIA)
  • Mugen kontrola: indarkeria modu berriak
    • IO STO CON LA SPOSA (2014). Antonio Augugliaro, Gabriele Del Grande, Khaled Soliman Al Nassiry. Italia (SOLASALDIA)
  • Gerra Zibilaren ondoren bizikidetza berreraikitzea
    • NEGAR FRANKO EGINGO ZUEN AITAK (2014). Bertha Gaztelumendi. Euskal Herria (LEHIAKETATIK KANPO) (SOLASALDIA)
  • Hezkuntza eta ikaskuntza kooperatiboa
    • LA PROFESORA DE HISTORIA (Les Héritiers, 2014). Marie-Castille Mention-Schaar. Frantzia
  • Esklabotza eta pertsonen salerosketa
    • THE STORM MAKERS (2014). Guillaume Suon. Frantzia-Kanbodia
  • Neokolonialismoa lankidetzaz mozorrotua
    • WE COME AS FRIENDS (2014). Hubert Sauper. Frantzia-Austria (SOLASALDIA)

SAIO BEREZIAK

Giza Eskubideen Zinemaldiaren Saria: Lourdes Portillo

  • LAS MADRES DE LA PLAZA DE MAYO (1986). Lourdes Portillo, Susana Muñoz. AEB (LEHIAKETATIK KANPO)

"Human Rights Film Network" Leihoa: FiSahara

  • Emakume sahararrak euren lekua berreskuratzen
    • CORÍA Y EL MAR (2014). Diana Nava. Euskal Herria

FILM LABURREN LEHIAKETA

  • A la lumière des comptes (2014). Philippe Monpontet. Frantzia
  • Aïssa (2014). Clément Tréhin-Lalanne. Frantzia
  • La buena fe (2014). Begoña Soler. Espainia
  • Cargo Cult (2013). Bastien Dubois. Frantzia
  • Dinola (2013). Mariam Khatchvani. Georgia
  • Discipline (2014). Christophe M. Saber. Suitza
  • El-maftul (2014). Zara Saleh. Mendebaldeko Sahara (LEHIKETATIK KANPO)
  • Fieras (2014). Luis E. Pérez. Espainia
  • Geschützter Raum / Safe Space (2014). Zora Rux. Alemania
  • Invisible (2013). Juan Manuel Echalecu. Argentina
  • La Larme du bourreau (2013). Layth Abdulamir. Frantzia
  • Matilde (2013). Vito Palmieri. Italia
  • El príncipe del cristal (2014). Bachir Mehdi. Mendebaldeko Sahara (LEHIKETATIK KANPO)
  • Salãm (2013). Johan Timmers. Herbehereak
  • Sumud (2015). Ander Iriarte. Euskal Herria
  • Yaar (2014). Simon Gillard. Belgika

OHARRA: Zinemaldiaren antolakuntzarekin zerikusirik ez duten arrazoien ondorioz, Alles Wird Gut film laburra (katalogo eta liburuxkan azaltzen dena) ez da proiektatuko. Bere ordez Salãm emango da.

KULTUR ETXEETAKO ZIKLOA

Tomasene / Ekologistak Martxan

  • DAMOCRACY (2013). Todd Southgate. Brasil

Larrotxene

  • ETXEA (2014). Basharat Khan. Erresuma Batua

Loiola

  • LA MOCHILA INVISIBLE (2015). Laura Hernández Vela. Euskal Herria

Ernest Lluch / Filmazpit

  • SHORT TERM 12 (2013). Destin Daniel Cretton. AEB

Lugaritz / Mugarik Gabe & Garapenerako Lankidetzaren Euskal Agentzia

  • EUTSI EDO HIL: HERRI INDIGENEN SALAKETA, IKUSPUNTU ETA PROPOSAMENAK (2015). Mugarik Gabe. Euskal Herria

Aiete

  • LURRA, LANA, IZANA... USURBILGO EMAKUME BASERRITARREN AHOTSA (2015). Maitane Arnaiz, Leire Urkidi. Euskal Herria

Okendo / Garabide Elkartea

  • BELTZEAN MINTZO (2013). Ander Bolibar. Euskal Herria

Egia

  • HURRENGO GELTOKIA (2015). Iban Zunzunegi. Euskal Herria

ANTZERKIA

Ez dira aspaldiko kontuak

  • Victoria Eugenia antzokia / Apirilak 19

GIZA ESKUBIDEEN ZINEMALDIAREN SARIA: LOURDES PORTILLO

Mexikon jaio eta Ameriketako Estatu Batuetan hazitako Lourdes Portillok nortasun eta kultura latinoak ikertzen eta aztertzen eman du zinemagile gisa egin duen ibilbidearen zati handi bat. Portillok harro aldarrikatu du beti bere chicana izaera. Oso gazte hasi zen dokumentalgintzan eta, San Frantziskon ikasketak amaitu ondoren, 1979an bere lehen filma zuzendu zuen: Después del terremoto. Bertan, nikaraguar etorkin gazte batek Kalifornian duen bizitza kontatzen du. 1986an Oscar sarietarako izendapena eta nazioarteko 25 sari eskuratu zituen, Susana Muñozekin batera, Argentinan hiru urtez filmatu zuen Las Madres de la Plaza de Mayo lanarekin. Ordutik, besteak beste, lanok zuzendu ditu: La ofrenda: The Days of the Dead (1988), komunitate chicano eta mexikarretan Hildakoen Egunaren inguruan egiten diren ospakizunei buruzkoa; EI diablo nunca duerme (1994), non jaioterrira itzultzen den osabaren heriotza ikertzeko; Corpus: A Home Movie for Selena (1999), Texasko kantari ezagunari buruzkoa; edota Señorita extraviada (2001), Mexikoko Ciudad Juarez hirian eraildako ehunka emakumeen ingurukoa.

SARIAK

IKUSLEEN SARIA FILM LUZE ONENARI

  • Ikusleek Sail Ofizialeko hamabost film luzeen artean aukeratuko dute.

GAZTERIAREN SARIA FILM LABUR ONENARI

  • Epaimahai Gazte batek, 150 partaide inguruk osatutakoa, Film Labur Onenaren Saria ematen du urtero, 3.000 eurokoa.

AMNESTY INTERNATIONAL SARIA

  • Irabazlea Amnesty International erakundeko kideek eta ikus-entzunezkoen sektoreko profesionalek osatutako epaimahai batek erabakiko du.

GAIAK ETA SOLASALDIAK

Gai batzuetan gehiago sakontzeko aukera izango da, 19:00etan eta 19:30ean eskainiko diren filmen ondoren solasaldiak egingo baitira. Zinemaren munduan eta giza eskubideen arloan lan egiten duten adituak Donostian izango dira egunotan eta aurkezpen eta solasaldietan parte hartuko dute ikusleekin batera. Aztertuko diren gaien inguruko hausnarketa bultzatzeko zinemaldiak hainbat testu argitara emango ditu bai bere webgunean (www.zinemaetagizaeskubideak.com) bai paperean ere. Proiekzio aretoen sarreran bertan banatuko dira testuok. Hauexek izango dira XIII. edizioan jorratuko diren gaiak:

Solasaldia izango duten gaiak

  • Gasaren borroka. Fracking-a
    • Estitxu Villamor,  Fracking Ez Gipuzkoa!
    • Manu González, Cristina Enea Fundazioko Jasangarritasunaren Behatokiko zuzendaria
  • Karikaturagileak jo puntuan
    • Asisko Urmeneta, marrazkilaria. H28 aldizkaria
    • Antton Olariaga, marrazkilaria
  • Mugen kontrola: indarkeria modu berriak
    • Antonio Augugliaro, zuzendaria
    • Tareq Al Jabr, Io sto con la sposa filmeko protagonistetako bat
    • Ahmed Abuzubaida, errefuxiatu palestinarra
  • Droneak: aparatu onuragarriak eta/edo kaltegarriak?
    • Roberto Montoya, nazioarteko gaietan espezializatutako kazetaria eta Drones. La muerte por control remoto liburuaren idazlea
    • Isabel Hernando, Euskal Herriko Unibertsitateko Zuzenbide Zibileko irakaslea eta teknologia berrietan espezializatutako abokatua
  • Genozidio armeniarra. Mendeurrena. 1915-2015
    • José Antonio Gurriarán, kazetaria eta Armenios, genocidio olvidado eta La bomba liburuen idazlea. Armeniako Askapenerako Armada Sekretuaren atentatu baten biktima izan zen 1980an, Madrilen, eta geroztik herri honen errealitatea sakon ikertu du
    • Ararat Ghukasyan, historialari armeniarra. Estatu espainiarreko lehen elkarte eta eskola armeniarreko fundatzailea, baita bertako egunkari armeniar bakarrekoa ere. Ararat elkarte armeniarreko lehendakaria da
    • Loussik Roumian, armeniarren aurkako genozidioaren biktimen ondorengoa. Armeniako Kontseilu Nazionaleko batzordekidea da
  • Neokolonialismoa lankidetzaz mozorrotua
    • Mbuyi Kabunda, Afrikako integrazio, garapen, genero, giza eskubide eta gatazketan espezializatutako irakaslea eta Estrasburgoko Giza Eskubideen Nazioarteko Institutuko kidea
    • Itziar Ruiz-Giménez, nazioarteko harremanetako irakaslea, Madrileko Unibertsitate Autonomoko Ikasketa Afrikarren koordinatzailea
  • Gerra Zibilaren ondoren bizikidetza berreraikitzea
    • Bertha Gaztelumendi, zuzendaria
    • Amasa-Villabonako hainbat bizilagun

Jorratuko diren beste gaiak

  • Ahalduntzea eta sexuaren merkataritza
  • Dantza bidezko komunikazioa
  • Emakume sahararrak euren lekua berreskuratzen
  • Esklabotza eta pertsonen salerosketa
  • Etika profesionala eta mugak
  • Etxerik gabeko immigrazioa
  • Ezberdinen arteko adiskidetzea
  • Giza eskubideak urratzen dituzten tradizioak
  • Golfa eta hirigintzako iruzurrak
  • Hezkuntza eta ikaskuntza kooperatiboa
  • Ingurumenaren zaintza
  • Memoria kolektiboa eta errepresioa
  • Rolak apurtuz eta lankidetza modu berriak

HAUR ETA GAZTETXOENTZAKO SAIOAK

Donostiako eskoletako ikasleek goizeko saioetara joateko aukera izango dute. Aurreko edizioetan bezala, helburu hezitzaile eta didaktikoak jarraituz programatzen dira saiook, giza eskubide urraketak ezagutzez gain, haiekiko sentiberatasuna areago dezaten haur eta gaztetxoek. Aurten hiru film emango dira.

  • Ezberdinen arteko adiskidetzea
    • ERNEST & CELESTINE (2013). Benjamin Renner, Stéphane Aubier, Vincent Patar. Frantzia-Belgika-Luxenburgo
  • Dantza bidezko komunikazioa
    • FIVE DAYS TO DANCE (2014). Rafa Molés, Pepe Andreu. Espainia
  • Ingurumenaren zaintza
    • YUGO & LALA (2014). Wang Yunfei. Txina

ERAKUSKETAK

Comète. Ihesbide sarea

  • Martxoak 17 - Maiatzak 31 / San Telmo Museoa

Nazien presentzia Bidasoan. II. Mundu Gerraren bukaeraren 70. urteurrena

  • Martxoak 27 - Ekainak 7 / Aieteko kultur etxea

Artea eta Giza Eskubideak. Haur eta Gazteen XI. edizioa

  • Apirilak 17-25 / Zinemaldiko Informazio Bulegoa (Victoria Eugenia antzokia)

"Haur pobrezia Espainian" eta beste zenbait istorio -Giza Baloreen 2014ko PhotoEspaña OjodePez saria-

  • Martxoak 20 - Apirilak 28 / FNAC

MUSIKA PARKEAN & PICNIC

Apirilak 25 / Aieteko parke kulturala

Internet bidezko Sarrera Salmenta
Lotura interesgarriak