Jardunaldia urriaren 25ean izango da San Telmo museoan
Donostiako Udaleko Berdintasuna eta Gazteria sailek jardunaldia antolatu dute urriaren 25ean, hain zuzen ere, nerabezaroan gero eta gehiago arduratzen duen indarkeria matxistari buruzko hausnarketa egiteko jardunaldia. Eta, horretarako, San Telmo Museoan hizlari adituak egongo dira, euren esperientziak azaltzen eta irtenbideak proposatzen, betiere, nerabeek kontziente izateko genero indarkeriak eta tratu txarrek har ditzakeen modu ezberdinez, identifikatzeko gai izan daitezen.
Nerabezaroan indarkeria matxistari buruzko jardunaldiaren helburua honakoa da: errealitatea aztertzea eta aurrera eramaten ari diren esperientzia ezberdinak ezagutzea. Udalean, Gazteria, Hezkuntza, Gizarte Ekintza eta Berdintasun departamentuak elkarlanean ari dira Haurtxoko eta Gaztelekuetan hainbat ikerketa egiten. Eta horiei esker, hainbat diagnostiko egin ahal izan dituzte, hain zuzen ere, lan osatuago bat egiteko oinarri izango diren hainbat diagnostiko. Hori dela-eta, jardunaldi hau ezingo litzateke egin hezitzaile, irakasle, Berritzeguneko langile, aisialdi talde, gazte-elkarte, talde feminista, edota Kultura eta Kirol elkarteetako arduradunak gabe.
Sarrera doakoa da, baina aldez aurretik izena eman behar da. Izan ere, leku mugatua dago, 140 plaza. Gainera, kontuan hartuta jardunaldia gazteekin lan egiten duten eragileei zuzenduta dagoela, euskaraz egingo da.
Izena emateko epea urriaren 16an amaituko da. Eta izena emateko 943 481 909 telefono zenbakira deitu edo gazteria@donostia.eus helbidera idatzi behar da.
EGITARAUA:
9:00 - 9:30 | Jardunaldiaren irekiera |
Duñike Agirrezabalaga - Berdintasuneko zinegotzia Martin Ibabe - Gazteriako zinegotzia | |
9:30 - 10:00 | Marko teorikoa |
Berdintasun Legea, Foru Araua eta Berdintasun Planak Donostiako Udaleko Berdintasun Teknikariak | |
10:00 - 11:00 | Hitzaldia |
Nerabeak eta harremanak: genero indarkeria nerabezaroan Eider Goiburu - Psikologian lizentziatua, Pedagogian doktoratua eta Berdintasun Teknikaria | |
11:00 - 12:00 | Esperientzia panelak |
Zein baliabide eskaintzen dizkiegu horri aurre egiteko gazteei Administrazio publikotik eta beste elkarte edo erakundeetatik?
| |
12:00 - 12:30 | Etenaldia |
12:30 - 14:00 | Hausnarketa eta eztabaidarako (g)unea |
Baliabideen maparen aurkezpena. Talde dinamikak Kalakaren gidaritzapean: Jendartean zein baliabide ditugu eta zer beharko genuke eskuhartze hobea egiteko? | |
14:00 - 14:30 | Ondorioak eta itxiera |
2017/10/06-an argitaratua